دخول

تشيكن رول

المقادير:
1- صدور فراخ بانيه مش رفيعه اوى.
2- زيتون مخلى - مكعبات طماطم صغيره - فلفل مقطع صغير - بصل لو تحبى
3- ملح وفلفل وبهارات وكمون واى بهار انتى بتحبيه وزعتر وكده يعنى
4- خل
5- بيضه واحده
الطريقه:
في البدايه يشوح البصل والفلفل والطماطم وممكن جزر مبشور لو تحبي

1- خلطى الزيتون المخلى مع الفلفل مع الطماطم مع البصل مع التوابل والخل وقلبيهم كويس
2- ممكن تحطى معاهم جبنة موتزاريلا اورومي اوتشيدر ولو بتعملى رجيم بلاش
3- افردى قطعه الفراخ البانيه وحطى عليها المقادير دى ولفيها روول ولفيها بورق فويل وكملى كده مع باقى القطع او بدل ورق الفويل شبكيها بخله او لفيها بدوباره
4- رصصيها فى صينيه ودخليها الفرن
5- الفراخ بتستوى بسرعه على فكره يعنى ربع ساعه كده وشوفى ايه النظام
- لو انتى لفاها بفويل افتحى الفويل من عليها بعد ربعه ساعه وسيبى مايتها تنشف وادهنى الوش ببيض مربوب مع ملح وفلفل
-  لو انتى مش حاطة فويل ادهنى وشها ببيض وسيبيها تتحمر وممكن ترشى عليها جبنة ذى ما تحبى
وممكن بعد ماتستوي في الفرن تطلعيها وتشيلي الفويل وتحطيها في دقيق وبعدين في البيض وبعد البيض تحطيها في بقسماط وتحمريها في زيت غزير  وسخن وبالعافيه عليكم


مواقيت الصلاة

الاشتراك في القائمة البريدية

 

شاركونا على Facebook

استطلاع رأي

استطلاع رأي

بعد انقضاء ثلث رمضان هل أنت راضٍ عن أداءك فيه ؟